-------------------------------------

CarmenNg

lenlan 發表於 2014-10-19 19:04
一個人可以有好多個角色, 但良心只有一顆, 就算係黑社會, 都唔代表佢地一定會搞事, 佢地支持佔領行動, 佢 ...

同意. 黑社會都有仗義之輩.

superman

lenlan 發表於 2014-10-19 19:04
一個人可以有好多個角色, 但良心只有一顆, 就算係黑社會, 都唔代表佢地一定會搞事, 佢地支持佔領行動, 佢 ...

即係點？佔中就好黑社會，反佔中就壞黑社會好主觀啫
如果佔中黑社會就代表正義有良心咁反佔中黑社會就代表搞事無良心
所有佔中暴力市民代表有良心所有反佔中乞求俾條路揾食就代表無良心
學生講大話代表有良心俾人屈都代表無良心
全港三成幾佔中市民代表有良心六成幾反佔中市民代表無良心
咁你哋真係做乜都啱其他人做乜都錯
因為個社會只有你哋有良心，只有你哋想香港好
當你哋唔雖要瞓街嘅時候可能好多市民俾你哋搞到瞓街
不過你哋無錯因為只有你哋有良心

CarmenNg

lenlan 發表於 2014-10-19 19:20
我記得早前有報導, 黑道中人"盲亨"咪去過旺角撐學生囉, 2012年佢又去撐反國教, 當然這只係其中一個例子. ...

古惑仔維穩費買物資   

■18歲的輝仔是一名古惑仔，由「睇熱鬧」變真佔領，還上網了解政改議題。　  

佔領行動多次遭黑社會人士衝擊，但亦有古惑仔守護學生。18歲輝仔做了4年古惑仔，曾因為吸食K仔需戒毒兩年。他在金鐘示威區經歷奇幻16日，由「睇熱鬧」變成真佔領。大前日他獲邀參加反佔中行動，與朋友訂下不罵不衝的原則，更將每人600元「維穩費」買物資，捐予物資站。

「如果畀我跟黃之鋒，我會跟」
輝仔憶述警方施放催淚彈那天，他只是貪玩和朋友到場看看，卻與示威者一起「硬食」催淚彈，直至凌晨他見防暴警察變本加厲，「催淚彈瞄住人掟，真係嬲，我哋又冇做咩嘢」。留守16日，他坦言由「睇熱鬧」變真佔領，起初想衝擊警方防線，甚至想拖藍絲帶人士入後巷毆打，但在教會認識的女律師勸他恪守和平示威原則。

現職散工的輝仔為留守多日無開工，積蓄接近耗盡，但父母卻支持兒子佔領行動，爸爸更守旺角佔領區，甚至贊助兒子生活費。前日他和一班撐佔中古惑仔收到「大佬」邀請，參加李偲嫣在尖沙嘴反佔中遊行，每人報酬600元，一班古惑仔掙扎過，「我哋佔中定反佔中？」最後他們定下底線，不衝擊不指罵佔領人士，收到「維穩費」後，全數買物資捐予金鐘物資站。

輝仔指自己改變很大，在金鐘除了協助搬物資、砌鐵馬，這些日子他會聽講座、在Google、維基百科搜尋資料，近日向教會律師學習英文。16日促成政治覺醒，輝仔會與記者談台灣太陽花學運、反國教、樓價貴。他笑言佩服比自己年輕一個月的黃之鋒，「黃之鋒幾犀利，如果畀我跟佢，我會跟佢」。但輝仔紋身、「MK味」與金鐘格格不入，留守者戒心仍在，有人見他走過會說，「有紋身唔知係咪黑社會嚟搞事」。幸好亦有相識的物資站義工代為澄清。  

CarmenNg

superman 發表於 2014-10-19 19:24
即係點？佔中就好黑社會，反佔中就壞黑社會好主觀啫
如果佔中黑社會就代表正義有良心咁反佔中 ...

你說得對,反佔中的黑社會也有好的. 如18歲的輝仔是一名古惑仔，由「睇熱鬧」變真佔領，還上網了解政改議題。　  

CarmenNg

lenlan 發表於 2014-10-19 19:20
我記得早前有報導, 黑道中人"盲亨"咪去過旺角撐學生囉, 2012年佢又去撐反國教, 當然這只係其中一個例子. ...

【盲亨促江湖中人收手 人在做天在看】

盲亨連日深宵在佔領區暗中保護學生，希望江湖各路人馬「畀面」收手，不再傷害學生，讓地下秩序重回「正軌」。盲亨指一些社團人士出手太重，學生被打得血流披面及非禮受驚，令他與很多香港人非常憤怒。他說無動員跑車組成路障，是朋友自發去保護學生。

警方已將旺角定為「高風險地區」及囤駐重兵，清場行動迫在眉睫。盲亨稱若警方要執行職務，他希望協助學生安全離開；但若黑幫再生事，盲亨說會鎮守現場，希望江湖人士勿再傷害學生。

上周五黑社會衝擊前，有國安曾向各路江湖人馬招手，據悉不少社團中人得知是對付學生後都拒接受利誘。但仍有人願收錢「做嘢」，其中「上海仔」郭永鴻頭馬「大鬼」，當日手綁藍繩有份衝擊，據悉大鬼活躍於旺角花墟，經常在區內籌辦小型足球賽，是香港足球代表隊前球星「細鬼」張志德胞兄。//

superman

八歲都做古惑仔去佔中好嘢服咗你

superman

呢Ｄ咪誤人子弟囉

lenlan

superman 發表於 2014-10-19 19:24
即係點？佔中就好黑社會，反佔中就壞黑社會好主觀啫
如果佔中黑社會就代表正義有良心咁反佔中 ...

佔領的人覺得所謂普選存在不公義所以站出來, 是有良心表現, 但並不是說反佔的人無良心, 相信大部份反佔人仕只係無勇氣參與或者他們覺得這手段不太好, 並不代表他們認同不公義的選舉, 又或者他們根本未意識到存在不公義, 所以不能說他們無良心, 相反有少數人, 佢地明知存在不公義也不敢講真心話, 可能只係為了追求一己之私, 這就是無良心, 有些人更為了小小的利益而去破壞這個追求公義選舉的運動, 也是無良心.

當然, 有些佔領者也是為了一己之私, 想搶去運動的主導權, 也可說他們無良心.

尼句 "咁反佔中黑社會就代表搞事無良心", 尼句你無講錯, 反佔中的黑社會所造出來的混亂比示威者或參與佔領的黑社會更嚴重.