「提問」當合作伙伴篤信風水命理的時候怎麼辦

yc_ray

致 博士同各位時空識的網友、同修：

事緣係咁的，小弟有一個初中同學，係幾個月前的同學聚會時候見翻之後，
傾落覺得大家對於行業的思維、經營同前景頗投契。

聚會閑談中亦發現他是位佛教徒。（後來得知又喺拜西藏的佛，而且供奉的係印度教的梵天）

我就想起博士之前節目講過一樣嘢「如果對方係位宗教信徒，起碼有樣好處就係怕因果，唔會太十惡不赦」。

而且我哋大家剛好係互補大家技術上不足，理論上來說，合作一起搞局係比較理想。

咁正如所料啦。在往后呢段日子入面，大家係業務上的合作頗為投契的。

於是最近我哋就籌備大家一起創業，開一間新公司。公司籌備亦已進入埋尾階段。

問題就來了，公司新址，佢偏執要搵風水師睇。
而且要佈局。這個風水師我未見過，據聞其能力係「所言甚是」那種。
知曉過去未來，一句講曬就係凖過Stephen Curry射3分波。
選址要看風水也就算了，公司誰做法人代表，他也找風水師算一下誰的財運好。然後選誰，
結果。幾個股東之間，要麽已經持有多間公司法人。要麽就沒有財運。到現在還是沒有選好法人代表。

風水師“囑咐”必須農曆初一要燒元寶，而且燒的元寶不能外面買，是需要自己親手折。
於是上禮拜，我非常不情願的陪佢係公司用了一炷香的時間係到折“金元寶”，折完仲要拜拜那個明明是梵天的“佛”。

因為我堅持不信風水命理。所以我從來沒有見過那個風水師，他居然那我用電腦修過（簡稱就是美圖秀秀）的照片。
去給那位風水師看，看看我適合不適合做合伙人。

小弟相當無奈，從開始大家洽談對於行業未來發展，方向，思維都非常投契，變成現在要靠個風水師審批我們。
公司開業是勢在必行的，選擇不跟他合作嗎？又不行，因為他有人脈資源啊。剛剛彌補我這方面不足；我應該點做？

謝謝各位博士和各位時空識的網友、同修指點一下。

yc_ray

補充一樣野，我哋其實係從事互聯網行業，都屬於科技行業。
我哋研究的都唔係農民頭做的野。居然都會出現呢種咁的迷信行為。

折元寶的那天，我說了一句，「大哥，現在都上月球了。我們都是做IT的人，怎麽要做這些八婆做的事。」
當時他面有難色。

alexwush

你應該知點做，欠缺心斬攬而己。如果有一日風水佬話你拖衰家，佢都唔會考慮你嘅感受拆伙。

winghung1

非常頭痛，但長痛短痛，你自己知分辨，你心想只要改到他不迷信，大家就發達啦，係主觀願望，有時就算改得到他-，但講明生意生意，变数好大，都未必會發達，何况你現在都唔開心了，寧食開眉粥，不食愁眉飯，我自己经驗，是分好過合，重要快块走人

Goonerstar

我們中國人做生意，有些人為求財順利，求心安理得而迷信很平常，凡人嗎。 Startup 時多攪一點大龍鳳，是劇情需要而不犯本傷神的話，順其自然就算，只是一點調味而絕對不會是公司成立的重點，更不是答案。 ray兄公司股東多，人多主意多，以後在任何決策上可能有很多"需要共識"的時候，是次小事的機遇，就好像結婚前小吵一場，正好在大家眾志成城，磨拳擦掌之際，給大家一個思考機會，以後價值觀不同之時如何處理，焉知非福。合作與否局外人比較難說喇，風水命理也是個人選擇，但合情理比較重要。玄學本是道家的，卻用佛家排頭搵食，再看是密宗...哦...ok，拜的是印度教四面"神" ...hm... ok... 如果蔡伯勵幫我攪我當然信， 但"愛回家"之流，認真就輸。

祝ray兄順利

hklam007

以下是你的處境 --- 與老千合作做生意
你同學說他能 --- 知曉過去未來.

正常人都知他正在洗你腦.

你同學和老千合媒取你金錢, 奪你慧命.
或
老千騙取你同學和你金錢, 奪你慧命.

yc_ray

Goonerstar 發表於 2015-12-16 20:43
我們中國人做生意，有些人為求財順利，求心安理得而迷信很平常，凡人嗎。 Startup 時多攪一點大龍鳳，是劇 ...

感謝，有點開竅，實際係我排擋佢無安全感。
故佢要信風水，而且佢也許經歷的事比較多。故明白人心隔肚皮。所以搵風水佬來及及我個相。
慶幸的係小弟今次比人及完個相之後。係勉強叫“合格”！
慈悲嘛，多站對方角度想想。有d野自己唔信，唔可以勉強人地唔信。

hklam007

yc-ray 兄
我建議你由現在開始
不要公開表示你的佛學知識是跟郭先生學習.
謝謝

陳柱民

如果不能抽身引退, 咁你就製造一個勁過佢嗰個「風水師傅」出嚟 master 住個局面咪得囉～

panic_lau

個多星期前睇電視,溫拿樂隊上TVB,嘩原來佢地搞45年演唱會,佢地演唱會既收入一直都係平分. 我小朋友果時諗點解阿倫同阿B好蠢,明明自己比人紅,開演唱會實滿坐, 點解係要益阿健,阿強同陳友? 及後阿B生意失敗,破左產, 還好佢有班好友支持過度難關, 衣家又幾好. 阿倫咪好蠢,都冇JETSO? 衣家過左幾十年睇返, 好似幾十年來得佢呢位天皇巨星,仲未死而且健康仲踢下波添, 呢幾年仲報導佢個仔12A入左牛津. 做朋友太計較沒趣.

http://v.ku6.com/show/xho3-8LDGtoXlVsO1qaK7g...html

https://www.youtube.com/watch?v=yMs47RlgOUs