舌戰群儒

erict

剛剛跟朋友討論事情, 講到三國演義舌戰群儒, 有一點啟發.

吳國係名士之國, 個個讀飽書, 四書五經, 個個倒背如流. 孔明知道以僅有兵力, 唔夠曹操打, 走去吳國sell孫權. 一埋位, 孔明以一對百的拗贏好多吳國士大夫. 另一個場口就係周喻默默練兵, 潛台詞可能係你班爛鬼士大夫日日9up, 其實心中空無一策, 蘇你班友都有味, 已經大軍壓境, 仲喺度9up. 所以, 孔明同周喻有水吹.

回想到Dr講過, 袋錢最實際, 因為可能在生活上, 搞掂自己先, 以實際行動體現自己的才能, 至可以搵到食, 而唔係一味9up, 如何如何, 又長江又黃河, 講多十年都係原地踏步.

在此多謝Dr.

yc_ray

尤其係我地呢d自小就受共產黨教育的人。
我地呢到代人係小學就教育我地要有犧牲精神，學雷鋒。無私奉獻。
隨住社會發展，人們越來越富有。故潛藏已久之功利主義的中國式佛教又再浦頭。
身邊的人開口埋口都講大乘佛法，普度眾生。
中國大陸的人已經忘記佐中國人的傳統文化正心，修身，齊家，治國，平天下。
結果現在中國大陸從商者或從政者大多都心術不正，大多都妻離子散，大多都空談治國。發展到現在的外交危機。
呢三年來，幸得博士提點，將我們還原翻。達則兼善天下，窮則獨善其身。

多謝博士

容燥兒

感覺上，就係香港社會充斥吹水友。

講嘢唔做嘢，做嘢又打爛嘢。
好多時，我都唔敢放手比嘢人做。
太熟啲人，吹得勁，害死你重勁。

講真係好易，又快見效。
唔識真係會被嚇死。

我講嘢真係唔敢咁大聲。
因為好多嘢，唔係操控自己手，
有隨時陰溝裏翻船的可能。