本帖最後由 KenFong 於 2016-11-12 07:44 編輯
唔知有無人同我有類似感覺，就係感覺到成個城市都充斥住好多雜亂既震頻 (磁場氣場風水etc., 你鐘意點叫都得 )，有時甚至會影響到個人情緒同集中力(散亂)？個人嚟講，覺得唔多老嚟。。。
等一等，等我戴返個 “理性科學” 頭盔......繼續講.....。
其實，若果以科學儀器去探測 (最好去旺角, 鑼灣等繁華地點)，你會測到成個空間都係啲睇唔見既無線電、長短波、輻射、電訊及數碼頻譜。
如果再測埋聲波，你會測到 24 小時不停播放，但超出我地聽覺上、下限既無形噪音，依啲雜亂聲音耳朵及腦袋照單全收不自知。
如果你相信，甚至能夠感受到依啲雜訊，我諗你情緒同皮氣好極有個譜，就算俾龍床你訓都無福消受，一個人作息唔好，佢工作、學習、思考有影響是必然。
睇到依到仲未跳頁既朋友，你不妨試下打開電視，調去一個未 “tune” 既台 (黑色畫面果種)，試下聽唔聽到任何聲音/聲波，然後叫伯母配合，同你敝住眼再分辦電視開著與否。
另外，習慣日日夜夜拎住手機既朋友，試下搵幾日，戒玩手機，但電話跟身，留意下，如果有人打電話俾你，睇下會唔會有一次你 feel 得快過部電話，未“響”先知！(唔好教震機！亦唔係靠其他電器受干擾所以未響先知，今次要感受干擾既白老鼠係閣下)
| 
發表於 2016-11-11 00:28:57
