2016.12.11 郭博士：決戰千里，胡官做特首原因

peterau

《與所有群組分享》

【決戰千里】

從習生高手最近布局作風，應該已內定胡大法官做，是利之所在也！(這是半年前我跟大陸幾個郵差去三陪酒吧睇脫衣舞時講嘅意見，重點理由:只有大法官做，才能有公信力把香港變成國際頂級金融外匯交易中心，可跟歐美分庭抗禮兼幫大陸政府抽水。)  

Dr郭！✨

Alexng

完全認同博士睇法，如果胡大法官真的當選為特首的話，香港人都算有福氣咯

皇樣貓兒

博士好 大家好
新人報到.
很喜歡博士的節目 也開拓了很多思維的方式
很希望可以加入和大家一齊討論.

對於新的特首人選. 對於由胡法官擔任新特首 有部份保留的意見.
今日的香港 在梁生治下己經不同往日, 佢自己本人或容許西環某政治團體 用左好多非常下流的手段.
亦開左好多好下流的先例.
今日事實上香港變成好分裂 同時好多不同利益的團體. 所以一定會有好多好困難的決定
唔應該用一廂情願既想法任何人唔會做錯決定 或者未必每個人理解短視同長期部曙既分別.
胡法官始終係代表 司法界 如果到有一D問題 係要有法律去干予 可能好事會變成壞事
可能會被抹黑為 香港冇左司法 獨立. 今時今日全世界大環境已經有D非理性的狀態. 同時手段可以非常下流.
我會好支持胡法官係律政司呢個位去保護香港. 如果作為特首 如果有咩爭議 可能香港會全盤盡輸.
例如DQ議員 可能法庭受理比之前快兩日, 就會被利用抹黑為 政法合一.
係而家呢個世情同經濟環境底下. 可能如果先穩定局勢會比較上算.

i709394

居然要勞駕郭先生去掩護真命天子，哈哈。

wwkin

https://www.youtube.com/watch?v=t9sPNWsCMfM
老蕭特首跑馬仔話胡官 1賠99 我準備買一皮

容燥兒

係咪佢開盤，呢排等錢用。

要揾返多少幫補。
我真係窮，五千全副身家押落去，撐胡官。

wwkin

上迷迷撩下老蕭係海外攪合法賭 睇下佢開乜盤口

大樹人

啱岩線走去揾個網,唔太識掟.

問過班手足,都唔係好知.

但大圍都覺,買佢一萬幾千.搏得過,
我個人好貪心的,有幾十萬,我攞一半使下,
其他捐哂佢.

輸哂都唔怕,只係唔抵得啲人牙擦擦,
係要頂住佢先,

erict

　　我都認同胡官做好好多。一來公正公道，佢有齊做法官經驗的好處。行事講公正，而公正這兩個字，是看得到的，並不是得把口。香港百幾年作為sales佬抽佣港口，就係憑公道呢兩個字行先。當人人都知道香港行事公正，大公無私，人人都來香港做嘢，就如金融市場一樣，樣樣公正，唔會出老千，亦唔會搞搞震，別人至有信心嚟你個場玩，人人有工開，人人有飯食，絕對係好事。
　　搞咁多政治，不外乎係要求較為公正公道的資源分配，起碼就算在一鬥獸場內決勝負，有齊規矩，執法公正，至係王道。否則，玩百家樂三點可以贏九點，你玩埋我果份喇。
　　呢一兩年人人喊港獨，講到底，班後生無嘢撈，又見不到曙光，又有班仆街搞亂檔，港獨呢個牌頭至會乘勢而起。如果個個後生搵到啖食，港咩獨丫？到最後都係搵食呢兩個字啫。