對郭博士推介棋局的小小分享

容燥兒

[size=36.0276px]在 YouTube 上觀看「棋力悬殊巨大的象棋残局，赢棋很不简单，高手中的高手，领会内涵」
[size=36.0276px]https://youtu.be/VRDrzuNd73A


呢盤棋上面大致都寫過,頭先同某哥仔重睇一次,睇到呢個關口先知大件事。

哥仔話佢,正常情況下,絕對會篤紅兵。原因紅車已經控制到對面黑炮同老將。
但原來呢度呢個心態係會送自己上路。

因為自己手頭,有紅車同兵,會諗住慢慢閹死黑子。但原來跟住落去果步棋。
踎向最角的底卒,就可以發揮到最功用。因為肋道上的黑卒一行前。成個局勢就歸返哂比黑方。

取勝的條件,係紅方有打算和棋同有呢種觀察力,睇得出和棋的成數。
就因為一個心態上的分野,就變成了一念天堂一念叉燒的境地。

睇到呢度,無不欣賞呢一著妙著。

容燥兒

https://youtu.be/IeSyQJTviEo

容燥兒

在 YouTube 上觀看「双兵战豪强，到底是你强还是我强，精美象棋残局破解，不服来辩」
https://youtu.be/6HFVDaMeL0I

在 YouTube 上觀看「半瓶醋自以为象棋技艺高超，和艺人大战十局，结果连输三局，败走」
https://youtu.be/K7QtU5GIxHc

以上呢兩盤棋,著法我唔想講,留返比網友同同學睇。以小勝強不在話下。以上兩盤棋表達了一種很大的訊息。是一種氣度的表現。

其中有一盤,是上星期有推介過的,當時是走漏眼。

如果有聽過一個打著天下無敵老翁與一位將軍捉個兩盤棋的故事。出征前與出征後的棋局勝負結果大有不同。就明白以上兩盤表達的訊息。

wu_peace

小妹棋藝不精，但透過閱覽此主題，令眼界大開，獲益不少 !

感謝 郭博士及各位網友的不吝分享 !

容燥兒

在 YouTube 上觀看「一位热情棋友发来的街头象棋残局，有点江湖局的意思，真的很妙」
https://youtu.be/VM38k44MiJ0

呢盤棋,第一眼會以為黑子得兩隻棋就好easy.原來紅棋隻兵巳係低兵。就算有隻馬等將軍都未必可以穩操勝券。因為黑卒已經係過河卒。
旁述亦講到紅方無棋他子力比佢停著之用。所以行錯一步就中門大開。

睇返旁述講點樣有勝算,就係要第一步仕退守花心。呢一步至為重要,防守咗黑卒之前進。令紅帥可以守住中線。亦都幫助到,對面岸的馬,可以作出攻守兼備嘅作用。控制黑卒走動的方向,又可以老將不能上二樓。

整盤棋,那個仕至為關鍵,到最後要透過仕的存在,頂住卒的前進,才能成就最後贏棋的關鍵。

那個仕,讓我想起了,最近節睇中提到習生身邊無人出嚟講句嘢。睇完呢盤棋後,感覺到少咗隻仕,的确不得之了。

陳柱民

這一步棄車，棄遲啲都無命。如果懶懶閒，退下車﹑篤吓兵，即刻死得。黑方伏住嗰條底兵，唔聲唔聲，取你小命。

令人想到，好多嘢唔可以懶懶閒，若睇唔出殺機暗藏，就會死喺閒着而不自知。

容燥兒

在 YouTube 上觀看「棋力悬殊巨大的象棋残局，赢棋很不简单，高手中的高手，领会内涵」
https://youtu.be/VRDrzuNd73A

呢盤棋,睇咗七次八次,上星期很用心睇極都睇唔明,今次睇咗兩次就明。
首先講講自己個人經驗,前晚又輸咗盤chess,但其中有一著,好大啟發。話說對手係十歲左右的棋手,有一步棋,係電腦唔會容許的一著,我行咗出嚟。
就係對手有隻馬,剛好我嘅王行入咗馬能check我果格,對手係唔察覺,到佢察覺時,我當然要出多少口術,等佢過骨。不過到最後都係輸。
可能就係呢一著,我對呢盤棋就好大感受。

講返盤棋,就紅棋只剩下車兵將,黑棋就有單炮三隻卒圍堵你紅方。旁述第一步竟然無ko對方黑炮,反而走咗食黑4炮,在普通人眼中,呢一著同自殺無分別。
殊不知,咁樣先絕處逢生,和局收場。因為呢一著影响咗黑炮的取向,詳情睇旁點講。

最最最關鍵的一步,去到紅車入花心。呢個好藝高人膽胆,因為紅方唯一一隻重子,普通人心目中,絕對會死隻兵,留隻車。
要有好有勇氣先咁樣做。只要紅車入花心,黑卒必然要食。一食之下,就成了和棋收場。

在後面4分鐘,旁述講解了,開頭食隻炮同行其他好似好合理的著法,換來的慘淡收場。所以這盤有很大的啟發性,用心留意,絕對精彩。

容燥兒

在 YouTube 上觀看「江湖象棋残局破解龙潭虎穴，江湖客摆的街头象棋残局，十分少见」
https://youtu.be/duMXI1xoF5g

這盤棋太複雜,真係要問埋幾個同學意見先。
但只能寫出一個現象。
就是估唔到單車單兵可以食住黑子整個形勢。

旁述,示範了不同階段的著法,黑子都處於下風。
尤其是一隻紅車,主宰了多方面。令到各方面動彈不得。

黑子如要夾硬突圍,都係慢咗半拍,比紅子所控制的位置食住。

這盤棋要花點心思再睇,個人覺得是較深層次的示範。過往棋局很少用到"車"來作教材。套用旁述一句,這盤棋相當精彩。

題外話少少,在澳洲和另一位時空識女同學,下了一鋪chess,幸好她失了先機。她在我教人下棋的時候,我看到她的走法.
在和她對奕時,我要以我的重子兌了她多隻重子走。
最後我靠雙車才能把她checkmate.整個過程我是沒有說話,因為我也不敢掉以輕心。對方年紀輕輕,只玩過一兩次,就有那種逼力。實在潛力不可小觀。

容燥兒

在 YouTube 上觀看「双兵战豪强，到底是你强还是我强，精美象棋残局破解，不服来辩」
https://youtu.be/6HFVDaMeL0I

第一眼看到黑子雙馬雙車雙炮,實食無痴牙。
如果第一步黑子行先,紅子就玩完。
進知第一步就是紅子先行。

由這一步紅子起,黑子注定要敗。
原因又是位置的問題,紅帥坐在中路,封殺了黑將坐出的可能。

而且雙馬的位置,中間又有盲點。
雙車看似直下就可以將軍。
但在時空錯誤底下,雙馬變了死守,不能動。

雙車要用來兌子,以換取不即是死亡的點點空間。

今集郭博士講起了,差館,和法庭中用到的高手,還有能開夾萬的電器佬。
讓我感覺了,有些奇著,在某些時間,威力很大。而人物可能很卑微,但你識用得上。

就可以將強大的勢力逼和。達到四兩撥千斤的效果。

容燥兒

https://youtu.be/EgpbIjyJ6_c

呢盤睇咗4。5次。原因睇唔明。因為開頭講紅方其實可以將黑子困斃。當中分析過後,幾種情況後。會和棋等等各樣。

去到講呢三隻海底兵,就在紅炮攝上去果一刻,佢哋就發揮作用。變成奇兵。
在雙方都有炮,但缺乏炮架情況下。黑方的護身符反成了催命符。

在前面,紅棋的走勢,都足以牽引黑子的走勢,黑子疲於奔命。但都未足以要佢即死。
但當炮攝咗落士側面。
第一隻沉底出兵行去老將隔嚟,變成刀仔指住喉嚨。

感覺上,呢三隻兵代表民間,有種轉識成智的感覺。將用處低的物件,變成關鍵時候的殺著。